Сустрэча з Анатолем Івашчанкам

14 красавіка госцем Кніжнай шафы  будзе паэт, літаратуразнаўца, сябра Саюзу беларускіх пісьменнікаў, лаўрэат прэміі "Залатая літара", адзін з аўтараў "Анталогіі перакладаў расійскай рок-паэзіі" АНАТОЛЬ ІВАШЧАНКА.

Анатоль Івашчанка – паэт, літаратуразнаўца, зрэдзь часу бавіцца прозай.

Нарадзіўся ў 1981 годзе ў Менску.

Скончыў філфак БДУ, аспірантуру пры Інстытуце літаратуры НАН Беларусі.
Ад 2003 г. і да высялення арганізацыі з Дома літаратара працаваў у Саюзе беларускіх пісьменнікаў (кіраўнік справаў).

Шэсць гадоў выкладаў беларускую мову ў БНТУ. 
Цяпер адказны сакратар часопіса “Дзеяслоў”.
Фіналіст конкурсу Беларускага ПЭН-цэнтру імя Натальлі Арсеньневай (2003), лаўрэат прэміі “Залата літара” (2005), прэміі “Экслібрыс” у галіне нон-фішн (2015).

Аўтар кніг: “Вершnick”, “Паэтыка Алеся Разанава: між медытацыяй і рацыяй”, “Хай так”, “Анаталогія”. 
Вершы А. Івашчанкі перакладаліся на: польскую, расейскую, літоўскую, балгарскую, нямецкую, грузінскую мовы.

Жанаты. Мае трох дзяцей.

 14 красавіка ў прасторы “Кніжная шафа” літаратар Анатоль Івашчанка прэзентуе кнігу прозы “Анаталогія”, якая была ўганараваная прэміяй “Дэбют” 2016 года.

Музычная частка вечара ад Уладзіміра Дрындрожыка (спевы, гітара, флейта, глюкафон).

Пачатак а 19-й

Чакаем вас па адрасе: ст. м. Грушаўка, пр. Дзяржынскага, 9 (уваход са двара).

Прыходзьце, мы будзем рады.

Уваход вольны.