Бай. Янка Купала

Бегаў Бай па сцяне
У чырвоным кафтане…

Чулі такую забаўлянку? Калі чулі ў дзяцінстве, то хутчэй за ўсё ў вас у галаве яна спяваецца-чытаецца пад пэўную мелодыю. Напрыклад, таксама, як і “Кую-кую ножку…”

Вось, мяркуем, і Янка Купала пачуў пра Бая дзесьці ад носьбітаў беларускай традыцыі і запісаў верш-песеньку ў аўтарскай апрацоўцы. Гэтая забаўлянка ўпершыню выйшла асобнай кнігай.

Забаўлянка – ужо напаўзабыты жанр дзіцячага фальклору. Але дарма, бо ён вельмі лёгка ўспрымаецца маленькімі дзецьмі праз сваю рытмічную форму, мелодыку і просты сюжэт. Адпаведна спрыяе развіццю маўлення, слыху і фантазіі. А “Бай” яшчэ і пазнаёміць дзетак з беларускай традыцыяй у вясёлай і даступнай форме.

Кніга створаная для сумеснага сямейнага чытання з самымі маленькімі.

5 с.