Васiль Быкаў. [Пра] мастацтва

У кнізе ўпершыню падрабязна апавядаецца пра захапленне Васіля Быкава выяўленчым мастацтвам і яго стасункі з мастакамі. Ці захаваліся франтавыя малюнкі пісьменніка? Што ён ілюстраваў у другой палове 1940-х і 1950-х гт. на старонках газеты «Гродзенская праўда», дзе ў той час працаваў? Якія занатоўваў лекцыі па выяўленчым мастацтве? Каго са славутых жывапісцаў капіяваў і пра каго пісаў? Што звязвала яго з такімі рознымі майстрамі, як Б. Забораў, А. Кашкурэвіч, Г. Паплаўскі, М. Савіцкі, Л. Шчамялёў і М. Шагал? Як выглядаюць на ягоных шаржах блізкія сябры А. Адамовіч, Р. Барадулін, У. Караткевіч? Як мастакі-графікі жартавалі з Быкава і як ён сам кпіў з сябе? Каму прысвяціў апошнія малюнкі? Адказы на многія пытанні чытач знойдзе ў гэтай багата ілюстраванай кнізе, якая з яўляецца плёнам дваццацігадовай працы біёграфа народнага пісьменніка Беларусі.