100 манет Вялікага княства Літоўскага. Дзмітрый Гулецкі, Мікалай Дарашкевіч.

“Гісторыя часта стае аб’ектам маніпуляцый, а матэрыяльныя помнікі – заўжды бесстароннія” (с) Дзмітрый Гулецкі.

Альбом-энцыклапедыя “100 манет Вялікага Княства Літоўскага” напісаны знаўцамі нумізматыкі, але спадабаецца кожнаму, хто цікавіцца гісторыяй. Ён поўны сціслых і займальных фактаў пра грошы, якімі карысталіся на нашых землях 300-600 год таму. Чым разлічваліся за каня ў часы Міндоўга, калі насамрэч былі выбітыя першыя манеты на тэрыторыі Беларусі, ці былі ў нас грошы з звярынага футра – у кнігу ўвайшлі ўсе найноўшыя звесткі аб нумізматыцы ВКЛ, якія былі малавядомыя яшчэ 10 год таму, дый дагэтуль да канца не асэнсаваныя.

Ілюстрацыі ў альбоме на кожнай старонцы. Гэта якасныя выявы ўсіх манет, а таксама старадаўнія карты і гравюры.

80 с.

ISBN 978-985-458-328-0