Алесь Стружко. Камякі

КАМЯКІ – гэта значыць “з самай глыбіні”. Гэта значыць, што перад тым, як нарадзіцца, верш прайшоў цярністы шлях ад сэрца да горла. Гэта значыць, што словы не хацелі бачыць гэты свет, але з натугаю ўпалі на паперу і загаварылі. Загаварылі моваю супярэчнаю, але неверагодна жывою і сапраўднаю. У кнізе сабраныя пяцьдзесят камякоў пра цёплы боль і манахромнае шчасце, пра вострыя пакуты і мяккую радасць, пра непераадольную цягу да жыцця і  стан глухой адзіноты. Кожны верш і кожны радок тут – гэта эксперымент і пошук адмысловай формы. Ніякіх моўных ці прасторавых абмежаванняў. Толькі падземная энергія, што нязломна імкнецца да вас і для вас.

108 с.