79 прыступак Віталя і птушкі на падваконні. Сяржук Лясны

У сваёй нечаканай кнізе Сяржук Лясны пільна ўглядаецца ў ландшафт тыповага пад’езда тыповага ўскраіннага шматпавярховіка, узлятаючы на крылах натхнення да самага яго пабеленага паднябесся, адначасова зазіраючы праз запыленую шыбіну, а часам лунаючы з чайкамі і свіргулямі на недасяжных воку вышынях, з якіх ён — зоркі і чулы назіральнік — сочыць, асэнсоўвае і аздабляе адзін самотны, шэры, горкі лёс. І ў душы чытачоў злятаюць пёры: моцныя і гнуткія махавыя і медытатыўныя і гаючыя покрыўныя, а мы думаем: верлібры, а мы думаем: інтэрмэдыі…