Мяне там чакаюць. Ксенія Зарэцкая

Што хвалюе маладых дзяўчат? Каханне? Яно, вядома, таксама. А яшчэ сямейныя адносіны, страх смерці, даследаванне чалавечнасці і гуманнасці, праўдзівасць дзіцячых успамінаў і пошук свайго месца ў жыцці. Усё гэта — у творах Ксеніі Зарэцкай.
Фэнтэзійная аповесць «Ворагі» прапаноўвае новы погляд на беларускую міфалогію. Станаўленне багіні смерці Мажаны адбываецца ў свеце жывых і мёртвых. Яна шукае спачуванне ў Небе, справядлівасць на зямлі, а каханне — у Наўі.
Апавяданні «Агонія», «Мяне там чакаюць» і «Маленькі бог» — фэнтэзійныя гісторыі пра каханне, чалавечнасць і маленькія цуды, якія выратоўваюць душы. «Каралева прыгажосці» — некалькі дзён з жыцця старшакласніцы, якая спрабуе знайсці сваю моц і ўнутраны голас, але не ўпэўненая, ці захоча гэты голас нехта пачуць.

295 с.

ISBN 978-985-02-2343-2